सेयर बजारमा पहिलो दिन भारी अंकले गिरावट, सुरु भयो वियरिस ट्रेन्ड

September 5, 2021 |Pahiloclick
Notice: Undefined offset: 1 in /home/pahiloclick/public_html/wp-content/themes/webrobo/single.php on line 48

काठमाडौँ: साताको पहिलो दिन बजार खुले देखि नै ओरोला लागेको सेयर बजार १२ः४५ बजेसम्म १ सय ८ दसमलव २६ अंकले घटेको छ ।

यो गिरावट सेयर बजारको इतिहासमा हालसम्मकै धेरै हो । यसअघि २०७७ मंसिर २१ गते १ सय २३ अंकले घटेको थियो ।

नेपाल राष्ट्र बैंकले चालू आर्थिक वर्षको मौद्रिक नीति सार्वजनिक गरे यता निरन्तर ओरालो लागेको बजारले आइतबार पनि गिरावट नै देखेको छ ।

मौद्रिक नीतिपछि नेप्से सूचकमा करिब ४ सय अंकको गिरावट आइसकेको छ भने घट्ने क्रम रोकिएको छैन । निरन्तर बजार बजार घट्न थालेपछि लगानीकर्ता निरुत्साहित भएका छन् ।

समग्र सेयर कारोबार आज २८ सय १८ रहंदा आज कुल २ करोड ३० लाख सेयर किनबेच हुँदा जम्मा ११ अर्व २४ करोडबढीको कारोबार भयो।

आज सबैभन्दा बढी नन् लाइफ (५१९ दसमलव २६) अंकले र विकास बैंक (३९४ दसमलव ८) ले घट्यो ।