शेयर बजारमा उछाल, खरिदचापले नेप्सेमा करिब ७० अंकको बढोत्तरी

February 23, 2020 |Pahiloclick

 

काठमाडौं : नेप्से परिसूचकमा आज आइतबार उछाल आई बजार १५०० को विन्दू पार गर्न सफल भएको छ ।

आइतबार सुरुवातदेखि नै तीव्र गतिमा उछाल आउँदा बजार कारोबारको २ घण्टा र केही मिनेटको समयमा नै १५०० को विन्दू पार गर्न सफल भएको थियो ।

नेप्से परिसूचकमा ६९ दशमलब ५६ विन्दूको बढोत्तरीसँगै नेप्से परिसूचक १५०४ दशमलब १४ को विन्दूमा पुगेको छ ।

यो अवधिसम्म ३ अर्ब बढीको सेयर कारोबार भएको छ ।

बजारमा एकैदिन ४ दशमलब ८५ प्रतिशतको बढोत्तरीको निकै दुर्लभ घटना भएको छ ।

राम्रा र बलिया कम्पनीमा उच्च खरीद चाप भएका कारण सेन्सेटिभ इण्डेक्स पनि एकैदिन १७ दशमलब ०७ अंकले बढेको छ । यो पनि नयाँ रेकर्ड हो ।