आज केही स्थानमा पानी पर्ने र हिमपातको सम्भावना

November 5, 2019 |Pahiloclick

 

काठमाडौं : बिहानदेखि धुमलिएको राजधानी लगायतका स्थानहरुमा आज मौसममा आंशिक देखि सामान्य बदली रहने छ ।

 

आज देशभर आंशिकदेखि सामान्य बदली भइ केहि जिल्लामा पानी पर्ने र केहिस्थानमा हिमपात समेत हुने सम्भावना रहेको जल तथा मौसम पूर्वानुमान महाशाखाले जनाएको छ ।

 

हाल नेपालमा पश्चिमी वायुको आंशिक प्रभाव देखिएको महाशाखाले जनाएको छ ।

 

मुलुकको पहाडी भूभागमा आंशिकदेखि सामान्य बदली र तराईका केही भूभागमा कुहिरो लागेको अवस्थामा रहेको छ भने अन्य भूभागमा मौसम सामान्यतया सफा रहेको महाशाखाले जनाएकोछ ।

 

आज राति देशको पहाडी भूभागमा आंशिक बदली र बाँकी भूभागमा मौसम सामान्यतया सफा रहने छ ।