गर्नु ग¥यो पानी ट्यांकीले ………….

August 20, 2019 |Pahiloclick

 

काठमाडौं : भक्तपुरको लोकन्थलीमा पानी ट्यांकी खन्दा पहिरो गएको छ ।

बाटोमै गएको पहिरोका कारण जोखिमयुक्त एक घर खाली गरिएको छ । अन्य चार घर पनि पहिरोकै जोखिममा छन ।

पहिरोका कारण पैदल यात्रीलाई समेत समस्या परेको छ ।

आज मंगलबार बिहान पौने २ बजेतिर पहिरो खसेको स्थानीयले बताए ।

पहिरोबारे यतिबेला जिल्ला सुरक्षा समितिमा छलफल चलिरहेको मध्यपुरठिमी नगरपालिका वडा नम्बर १ का अध्यक्ष सुरज खड्काले जानकारी दिए ।

खानेपानीको समस्या भोग्दै आएका मध्यपुरठिमी नगरपालिकाको वडा नम्बर १, २ र ३ लक्षित पाँच लाख लिटर क्षमताको ट्यांकी बनाउने काम नसकिँदै पहिरो गएको हो ।

गत वैशाख महिनाबाट ट्यांकी खन्न थालिएपछि वर्षाका कारण त्यो पूरा हुन सकेको थिएन ।

भिरालो स्थानमा खनिएको पानी ट्यांकीकै स्थानमा हिजो राती परेको ठुला वर्षाले गर्दा पहिरो गएको हो ।