मोटरसाइकलमा पछाडि बस्नेलाई हेलमेट अनिवार्य, आइएसओ प्रमाणित हेलमेट हुनुपर्ने

May 19, 2019 |Pahiloclick

काठमाडौं: अबदेखि दुई पाङ्ग्रे सवारी साधन मोटरसाइकल र स्कुटरको पछाडि बस्नेले अनिवार्य रुपमा हेलमेट लगाउनुपर्ने भएको छ ।

ट्राफिक प्रहरी महाशाखाका प्रमुख बसन्त पन्तले बसेको मान्छेको हेड इन्जुरीले ज्यान जाने गरेकोले पछाडि बस्नेले पनि अनिवार्य हेल्मेट लगाउनु पर्ने नियम ल्याउन लागेको जानकारी दिए ।

‘दुइपांग्रे सवारीमा चढ्ने दुवैजनाले हेल्मेट लगाउनुपर्ने यातायात व्यवस्था ऐनमा उल्लेख गरेका छौँ। यातायात व्यवस्था ऐन २/३ महिनामा स्वीकृत भएपछि ६ महिनापछि यो व्यवस्था लागुहुन्छ,’ पन्तले भने।

ट्राफिक प्रहरीले हेल्मेट पनि आइएसओ स्ट्याण्डर्डको लगाउनुपर्ने जनाएको छ ।

‘नेपाल गुणस्तर तथा नापतौल विभागले हेल्मेटको मापदण्ड तयार पारिसकेको छ। हामी त्यहीअनुसार अगाडि बढ्छौँ,’ उनले भने।