चार दिनमा फुलचोकीमा हिउँ खेल्न जानेको संख्या २८ हजार, ६ जना हराए

January 27, 2019 |Pahiloclick

काठमाडौँ: विगत चार दिनमा फुलचोकीमा हिउँ खेल्न जाने र फुलचोकीको पदयात्रामा रमाउनेको संख्या २८ हजार पुगेको छ।

राजधानीमा ९ गतेदेखि वर्षा भएसंगै लगातार फुलचोकीमा हिउँ परेको थियो जसले गर्दा उपत्यकार भरका युवा युवती आ-आफ्नो समूह बनाएर फुलचोकीमा हिउँ खेल्न आएको, बाँडेगाउँस्थित महानगरीय प्रहरी प्रभागका प्रहरी निरीक्षक श्याम कटवालले पहिलोक्लिकलाई जानकारी दिए।

उनका अनुसार ९, १० र ११ गते जम्मा १४ हजारले फुलचोकीको यात्रा गरेका थिए भने हिजो शनिबारमात्रै (१२ गते) एकै चोटी थप १४ हजार जनाले फुलचोकीको यात्रा गरेका हुन्।

यही क्रममा शनिबार दुई छुट्टा छुट्टै समुहका ६ जना हराएको र पछि सम्पर्क भई उद्दार गरिएको उनले बताए। एक समूहका २ र अर्का समुहबाट ४ जना हराएको भन्ने खबर पाउनासाथ खोज उद्दारमा खटिएका सुरक्षाकर्मीले उनीहरुको उद्धार गरेको हो, कटवालले भने।